2023 ЖЫЛДЫҢ ҚАҢТАРЫНДА ЕСЖ БИРЖАСЫНДА МҰНАЙ ӨНІМДЕРІМЕН БИРЖАЛЫҚ САУДА-САТТЫҚТЫҢ ҚОРЫТЫНДЫЛАРЫ

2023 жылдың қаңтарында ЕСЖ Биржасы мұнай өнімдерінің әрбір түрі бойынша бес сауда сессиясын ұйымдастырды, сондай-ақ көрсетілген тауар түрлері бойынша бір қосымша сауда сессиясы өтті. Биржалық сауда-саттықта мұнай өнімдерімен жалпы көлемі 44 395 тонна мөлшерінде 255 мәміле жасалды, бұл 2023 жылғы қаңтарда елдің ішкі нарығына мұнай өнімдерін жеткізу жоспары бойынша жалпы көлемнің 4,51 % - дан астамын құрады.

Мұнай өнімдерінің түрлері бойынша көрсеткіштері келесідей қалыптасты:

1)      АИ-92 маркалы бензині - 30 745 тонна көлемінде 153 мәміле жасалды, сауда-саттыққа 7 сатушы мен 44 сатып алушы қатысты, орташа өлшенген бағасы тоннасына 188 090,24 теңге деңгейінде қалыптасты (жеткізу жоспары бойынша тауар биржалары арқылы өткізу көлемі 41,8 мың тонна деңгейінде бекітілген);

2)      АИ-95 маркалы бензині – 7 475 тонна көлемінде 47 мәміле жасалды, сауда-саттыққа 5 сатушы мен 26 сатып алушы қатысты, орташа өлшенген бағасы тоннасына 245 386,90 теңге деңгейінде қалыптасты (жеткізу жоспары бойынша тауар биржалары арқылы өткізу көлемі 8,8 мың тонна деңгейінде бекітілген);

3)      дизель отыны - 1 300 тонна көлемінде 13 мәміле жасалды, сауда-саттыққа 5 сатушы мен 47 сатып алушы қатысты, орташа өлшенген бағасы тоннасына 303 352,51 теңге деңгейінде қалыптасты (жеткізу жоспары бойынша тауар биржалары арқылы өткізу көлемі 8,4 мың тонна деңгейінде бекітілген);

4)      авиациялық отын - 4 875 тонна көлемінде 42 мәміле жасалды, сауда-саттыққа 5 сатушы мен 5 сатып алушы қатысты, орташа өлшенген бағасы тоннасына 337 050,06 теңге деңгейінде қалыптасты (жеткізу жоспары бойынша тауар биржалары арқылы өткізу көлемі 5,6 мың тонна деңгейінде бекітілген);

ЕСЖ Биржасы биржалық тауарлардың баға белгіленімдері: мұнай өнімдері, қаңтар 2023