ЕТС клирингтік есеп айырысулардың қолданыстағы Қағидаларға сәйкестігін растайды

«Еуразиялық Сауда Жүйесі» тауар биржасы» АҚ (ЕТС) биржалық мәмілелер бойынша барлық есеп айырысулардың қолданыстағы Биржалық сауда қағидаларына және нормативтік талаптардағы соңғы өзгерістерге толық сәйкес жүзеге асырылатынын хабарлайды.

ЕТС-те биржалық мәмілелер бойынша клирингтік жүйе арқылы жүз пайыздық төлем моделі қолданылады. Саудаға қатысушылардың ақшалай қаражаттары бекітілген ішкі нормативтік құжаттарда көзделген тәртіп пен мерзімдерде, ешбір кідіріссіз және ұстап қалусыз аударылады және есептен шығарылады. Есеп айырысу рәсімдері олардың үздіксіздігін, ашықтығын және жеделдігін қамтамасыз ету мақсатында ұйымдастырылған.

Қаңтар айында ЕТС алаңында 250-ден астам биржалық мәміле жасалды. Осы мәмілелер бойынша барлық есеп айырысулар мен ақшалай қаражаттарды аудару белгіленген тәртіпте және кідіріссіз жүзеге асырылды.

ЕТС жүз пайыздық алдын ала төлем моделін енгізу қолданыстағы тарифтердің өзгеруіне әкелмегенін және саудаға қатысушылар үшін қосымша қаржылық немесе операциялық шығындар туындатпағанын атап өтеді. Қолданылатын клирингтік және мәмілелерді қамтамасыз ету тетіктері бекітілген Қағидалар шеңберінде іске асырылып, реттеуші органның талаптарына толық сәйкес келеді.

Қолданылып отырған есеп айырысу моделі биржалық саудаға қатысушылардың барлығы үшін тең, түсінікті және тұрақты шарттарды қамтамасыз етіп, есеп айырысу инфрақұрылымының ашықтығы мен сенімділігін арттыруға бағытталған.

ЕТС сауда-клирингтік жүйені дамыту жұмысын жалғастырып, нормативтік талаптардың сақталуын және нарық қатысушыларының мүдделерін қорғауды қамтамасыз етеді.