"ETS" тауар биржасының цифрлық трансформациясы процестерді жеделдетеді және ашықтықты арттырады
21 сәуірде ETS компаниялар тобы Алматыда елдің ірі квазимемлекеттік және коммерциялық холдингтерінің өкілдерімен іскерлік түскі ас өткізді. Онда Қазақстанның тауар нарықтарын цифрландыру перспективалары талқыланды. Цифрлық трансформация ETS-те де жүреді. Бүгінде ETS компаниялар тобы - биржаны, электрондық сауда алаңын және елдің барлық негізгі банктерімен жұмыс істейтін клирингтік орталықты қамтитын цифрлық холдинг. Клиенттер құжаттарды жедел өңдеуді сезінеді, биржа базасында қателер мен сыбайлас жемқорлық тәуекелдері азаяды, реттелетін сатып алулар одан да ашық болады. ETS тендер пайдаланушылары жеке кабинетке қол жеткізе алады, бұл оларға маңызды заңды құжаттармен жедел алмасуға және тез келісімшарттар жасауға мүмкіндік береді. Биыл Холдингтің барлық инфрақұрылымына қол жеткізу үшін ETS бірыңғай жеке кабинеті іске қосылады. Сонымен қатар, АХҚО шеңберінде биржалық сауда-саттықты ұйымдастыруға ETS-E компаниясының лицензия алу процесі аяқталу сатысында тұр.
"ETS" компаниялар тобы ішкі процестерді және клиенттік құжат айналымын цифрлық трансформациялауға кіріседі. Бұл процестер біртұтас және стандартталатын болады. Сондай-ақ, құжаттарды өңдеуді жеделдетуге және шешім қабылдаудың жеделдігін үштен бір бөлігіне арттыруға мүмкіндік береді. Қателіктер мен адам факторының әсер ету қаупі азаяды.
"ETS" тауар биржасы басқарма төрағасының орынбасары Ерлан Тәжібаев: "цифрландыру бәрін тезірек жасауға мүмкіндік береді. Біздің мақсатымыз - қағаз айналымының іс жүзінде болмауын қамтамасыз ету-мұның бәрін біз өз өнімімізге енгіздік",-деді.
Клиенттер үшін жеке кабинетке қолжетімділік ұсынылады, онда барлық құжаттарға: қаржы, сауда-саттық туралы есептерге, сауда-саттық нәтижелеріне, қатысуға өтінімдер беруге, аккредиттеуге және т.б. қолжетімділік жүзеге асырылады. Жеке кабинетке кіру жеке электрондық поштаны және ЭЦҚ пайдалана отырып жасалатын болады, бұл заңдық маңызы бар құжаттармен барынша жылдам алмасуға, есептер алуға, өкімдердің орындалуын сұратуға мүмкіндік береді.
"ETS"тауар биржасының техникалық директоры Игорь Монахов "Біз құжат айналымын жеделдету және шешім қабылдау үшін ішкі процестерімізді біріктіру қажеттілігін түсіндік. Біз барлық клиенттердің біздің қызметтерге оңай қол жетімділігі үшін egov.kz-ке ұқсас платформаны жасағымыз келеді. Шын мәнінде, клиенттердің биржамен барлық қарым — қатынасы жеке кабинеттер арқылы жүзеге асырылады, онда олар қажетті ақпаратты ала алады, өкімдер бере алады және өздерінің қаржылық операцияларын онлайн бақылай алады", - деп атап өтті.
Жақын арада жеке кабинет арқылы контрагенттермен шарт жасасу функциясы, биржалық индекстер де қолжетімді болады. Бұл осы саладағы сыбайлас жемқорлық тәуекелдерін азайтуға мүмкіндік береді және талдаушылар мен бақылаушы органдарға арналған ақпаратты қамтиды.
Осылайша, "ETS" тауар биржасы ақпараттық қауіпсіздік стандарттарын қамтамасыз ету бойынша үлкен жұмыс жүргізді, ал биржа базасында реттелетін сатып алулар одан да ашық болды.
Айта кетейік, «Еуразиялық сауда жүйесі» билік бастамашылық ететін цифрландыру процестерінің трендінде тұр және реттелетін сатып алу саласындағы сыбайлас жемқорлық тәуекелдерін төмендету үшін одан әрі жәрдем көрсетуге дайын.